ԱՄՆ նախագահ Դոնալդ Թրամփը մայիսի կեսերին Սաուդյան Արաբիա կատարելիք այցի ընթացքում կհանդիպի նաև Սիրիայի նախագահ Ահմեդ Ալ-Շարաայի հետ: Այս մասին i24NEWS-ին հայտնել է սիրիական աղբյուրը։
Հաղորդվել է, որ սպասվող հանդիպումը կազմակերպվել է Սաուդյան Արաբիայի գահաժառանգ Մուհամմադ բին Սալմանի անձնական միջնորդությամբ։
Ավելի վաղ Սպիտակ տունը հայտարարել էր, որ ԱՄՆ նախագահ Թրամփը մայիսին նախատեսում է այցելել Սաուդյան Արաբիա և Մերձավոր Արևելքի այլ երկրներ:
«Նախագահը մայիսին կմեկնի Սաուդյան Արաբիա: Ինչ վերաբերում է կոնկրետ ամսաթվերին և մանրամասներին, կտեղեկացնենք ձեզ հնարավորինս շուտ», – ասել է Սպիտակ տան մամուլի քարտուղար Կարոլայն Լևիտը:
Հետևեք մեզ տելեգրամում
