Իսրայելի պաշտպանության նախարար Իսրայել Կացը նախազգուշացրել է Սիրիայի նախագահ Ահմադ ալ-Շարաային, որ սարսափելի հետևանքների կբախվի, եթե նա սպառնա Իսրայելի անվտանգությանը։
«Ես զգուշացնում եմ Սիրիայի առաջնորդ ալ-Ջուլանիին [խմբ.՝ նկատի ունի նոր նախագահ Ահմադ Ալ-Շարաային]. եթե թույլ տաք, որ թշնամական ուժերը մտնեն Սիրիա և սպառնան Իսրայելի անվտանգության շահերին, դուք ծանր գին կվճարեք», – ասել է Կացը՝ դիմելով Սիրիայի նախագահին:
Կացը հավելել է, որ Համայի և Դամասկոսի վրա երեկվա ավիահարվածները «հստակ ուղերձ և նախազգուշացում էին ապագայի համար… Մենք թույլ չենք տա որևէ վնաս հասցնել Իսրայելի պետության անվտանգությանը», – ասել է նա։
Կացը չի հստակեցրել, թե ում նկատի ուներ նա, երբ խոսում էր թշնամական ուժերի մասին, որը Դամասկոսին զգուշացրել էր Սիրիա մուտք գործելու մասին: Այնուամենայնիվ, վերջին շաբաթների ընթացքում իսրայելական լրատվամիջոցները մտահոգություն են հայտնել Դամասկոսի և Անկարայի միջև ձեռք բերված համաձայնության շուրջ, ըստ որի՝ Թուրքիային կարող է ազդեցություն և ռազմական բազաներ ունենալ Սիրիայում՝ սահմանափակելով Իսրայելի գործողություններն ու տեղաշարժերը Սիրիայի օդային տարածքում:
Երեկ իսրայելական բանակը հայտարարել էր, որ օդային հարվածներ է հասցրել սիրիական Դամասկոս, Համա և Հոմս քաղաքներում գտնվող երկու ավիաբազաների և ռազմական ենթակառուցվածքների վրա:
Հետևեք մեզ տելեգրամում
