Թուրք-իսրայելական լարվածությունը Սիրիայի համատեքստում շարունակում է միջազգային լրատվամիջոցների ուշադրության կենտրոնում մնալ։
Ինչպես հայտնի է, Թուրքիան քայլեր է ձեռնարկում՝ վերահսկողության տակ առնելու Սիրիայի T4 ռազմավարական ավիաբազան և պատրաստվում է այնտեղ ՀՕՊ համակարգեր տեղակայել։ Թել Ավիվը մտավախություն ունի, որ եթե Թուրքիան ռազմական ներկայություն հաստատի Սիրիայում, դա կարող է սահմանափակել իսրայելական օդուժի գործողությունների ազատությունը տարածաշրջանում:
Այս համատեքստում ուշագրավ հայտարարություն է արել թուրքական SONAR հետազոտական ընկերության ղեկավար Հաքան Բայրաքչըն, ով մասնակցել է թուրքական CNN Turk-ի հաղորդումներից մեկին։
«Թույլ տվեք համարձակ մի բան ասեմ, թուրքական բանակը կարող է մտնել Թել Ավիվ 72 ժամվա ընթացքում»,-նշել էր նա։
Հիշեցնենք, որ Իսրայելի վարչապետ Բենյամին Նեթանյահուն հայտարարել է, որ ԱՄՆ նախագահի հետ Վաշինգտոնում քննարկել է Թուրքիայի հետ առկա լարվածությունը կանխելու միջոցները։
Հետևեք մեզ տելեգրամում
