Իրանի Իսլամական Հանրապետության արտաքին գործերի նախարարի առաջին տեղակալ Մաջիդ Թախտե Ռավանչին անդրադառնալով Հայաստանի «Խաղաղության խաչմերուկ» նախաձեռնությունը՝ ընդգծել է, որ տարածաշրջանային հաղորդակցությունների բացումը կարող է նոր հնարավորություններ ստեղծել բոլոր երկրների համար։
Region Monitor-ին տված հարցազրույցում նա նշել է, որ Իրանը կողմ է տարածաշրջանի երկրների միջև կապուղիների զարգացմանը և պատրաստ է ակտիվորեն համագործակցել Հայաստանի հետ այս ուղղությամբ։
«Իրանի և Հայաստանի հարևանների միջև անհրաժեշտ կապուղիների ստեղծումը նպատակահարմար է, և Իրանի համագործակցությունը Հայաստանի հետ՝ թույլ տալով Հայաստանին հասնել Պարսից ծոց, Օմանի ծով և Իրանի մյուս հարևան երկրներ՝ առևտրի տեսանկյունից, մի բան է, որը կարծում ենք պետք է արվի, և մենք պատրաստ ենք համագործակցել Հայաստանի հետ այս ոլորտում», – նշել է Ռավանչին։
Նա հավելել է, որ նման հաղորդակցությունների ստեղծումը ոչ միայն տնտեսական օգուտ կբերի, այլ նաև կնպաստի տարածաշրջանում կայունության և բարիդրացիական հարաբերությունների խորացմանը։
Հարցազրույցն ամբողջությամբ՝ այստեղ։
Հետևեք մեզ տելեգրամում
