Վրաստանի իշխող «Վրացական երազանք» կուսակցության նախագահ, նախկին վարչապետ Իրակլի Ղարիբաշվիլին ճեպազրույցի ժամանակ հայտարարել է քաղաքականությունից հեռանալու մասին։
«Այսօր ես ուզում եմ ձեզ տեղեկացնել քաղաքականությունից հեռանալու իմ որոշման մասին։ Ինչպես գիտեք, վերջին մի քանի շաբաթների ընթացքում չեն դադարել ենթադրությունները իմ ապագա քաղաքական գործունեության հետ կապված։ Հետևաբար, ես ինձ պարտավորված եմ համարում հասարակության առջև տալ առկա հարցերին սպառիչ պատասխան»,-ասել է Ղարիբաշվիլին։
Նա բարձր է գնահատել կուսակցության պատվավոր նախագահ Բիձինա Իվանիշվիլիի գործունեությունը և նշել է, որ կշարունակի ծառայել հայրենիքին այլ դիրքից։
Հիշեցնենք, որ Վրաստանի ընդդիմադիր «Հանուն փոփոխությունների կոալիցիայի» առաջնորդներից Նիկա Գվարամիան ավելի վաղ հայտարարել էր, որ Ղարիբաշվիլիի անձնագիրն առգրավվել են, որպեսզի չկարողանա լքել երկիրը։ Գվարամիան նշել է, որ Ղարիբաշվիլին կապ ունի ԱՄՆ-ի հետ և որոշակի տեղեկություններ է հաղորդում նրանց։
Հետևեք մեզ տելեգրամում
