ԱՄՆ նախագահ Դոնալդ Թրամփը հայտարարել է, որ կմտածի մայիսի կեսերին Սաուդյան Արաբիա կատարելիք այցի ժամանակ Ռուսաստանի նախագահ Վլադիմիր Պուտինի հետ հնարավոր հանդիպման մասին:
«Չգիտեմ, մենք պետք է մտածենք դրա մասին,…բայց ես դրա մասին չեմ մտածել»,- լրագրողների՝ շրջագայության ընթացքում Պուտինի հետ հանդիպելու վերաբերյալ հարցին ի պատասխան ասել է ԱՄՆ նախագահը։
«Մենք շատ շուտով կմեկնենք Սաուդյան Արաբիա»,-հավելել է ԱՄՆ-ի ղեկավարը։
Ավելի վաղ Պետդեպարտամենտի խոսնակ Թեմի Բրյուսը հայտարարել էր, որ Ռուսաստանի և Միացյալ Նահանգների առաջնորդների միջև շփումը անհրաժեշտ է ուկրաինական ճգնաժամի լուծման հարցի համար։ Պուտինը և Թրամփը առաջին և այս պահի դրությամբ վերջին հեռախոսազրույցը տեղի է ունեցել մարտի 18-ին:
Հետևեք մեզ տելեգրամում
