Թուրքիայի և ՌԴ արտգործնախարարներ Հաքան Ֆիդանն ու Սերգեյ Լավրովը հեռախոսազրույց են ունեցել։ Քննարկել են Իսրայել-Իրան հակամարտությունը և շարունակվող լարվածության հնարավոր գլոբալ ու տարածաշրջանային հետևանքները։
Ֆիդանը նշել է, որ զարգացումները մտահոգիչ են և բախումների դադարեցման ու Իրանի միջուկային գործողությունների հետ կապված տարաձայնության լուծման համար միակ ճանապարհը դիվանագիտությունն է։
Նշենք, որ Թուրքիայի նախագահ Էրդողանը հունիսի 14-15-ին, իր հերթին, հեռախոսազրույցներ է ունեցել ԱՄՆ-ի, Իրանի, Սաուդյան Արաբիայի, Պակիստանի, Եգիպտոսի, Հորդանանի, Սիրիայի, Քուվեյթի, Իրաքի, Օմանի առաջնորդների հետ։
Թրամփի հետ Էրդողանը զրուցել է և՛ հունիսի 14-ին, և՛ 15-ին։ Հունիսի 15-ի հեռախոսազրույցի վերաբերյալ Թուրքիայի նախագահականի հաղորդագրությունում նշվել է, որ զրույցի ընթացքում քննարկվել են Իսրայել-Իրան հակամարտությունը, երկկողմ և տարածաշրջանային հարցեր։
Էրդողանը նշել է, որ գոհունակությամբ է ընդունում Իսրայել-Իրան բախումներին վերջ դնելուն և տարածաշրջանում խաղաղության հաստատմանն ուղղված ԱՄՆ նախագահ Թրամփի վերջին հայտարարությունները, շեշտել է, որ աղետի կանխարգելման համար, որը կարող է ողջ տարածաշրջանը կրակի մատնել, պահ առաջ պետք է գործի անցնել։
Էրդողանն ասել է, որ միջուկային տարաձայնության լուծման միակ ճանապարհն անցնում է դիվանագիտության միջով, և այդ ճանապարհին Թուրքիան պատերաստ է ցուցաբերել ցանկացած ջանք՝ ներառյալ միջնորդությունը։
Էրդողանը նշել է, որ Իսրայելի՝ Իրանին ուղղված հարձակումներով սկսված բռնության շղթան երկու կողմերի համար էլ անդառնալի տնտեսական և քաղաքացիական վնասների պատճառ է դառնում և անհրաժեշտ է կանխել այդ վտանգավորը ընթացքը»։
Հետևեք մեզ տելեգրամում
