Վրաստանում շարունակվում են կադրային փոփոխությունները։ Հրաժարական է ներկայացրել փոխվարչապետ, էկոնոմիկայի նախարար Լևան Դավիթաշվիլին։ Ըստ վարչապետ Իրակլի Կոբախիձեի՝ նախարարի պաշտոնը կզբաղեցնի «Վրացական երազանք» կուսակցության քաղխորհրդի անդամ Մարիամ Քվրիվիշիլին։ Վերջինս նախկինում զբաղեցրել է էկոնոմիկայի նախարարի տեղակալի պաշտոնը՝ համակարգելով ավիացիայի և տուրիզմի ոլորտները։
Վրացական մեդիան հաղորդում է, որ Դավիթաշվիլին փոխվարչապետի և նախարարի պաշտոնից հետո զբաղեցնելու է Կոբախիձեի գլխավոր խորհրդականի և Տնտեսական հանձնաժողովի քարտուղարի պաշտոնները։
Հետևեք մեզ տելեգրամում
