Իրանական որոշ ապրանքներ Հայաստան կներմուծվեն առանց մաքսատուրքի

Հայաստանը կսահմանի սակագնային քվոտաներ և ներմուծման լիցենզավորման հատուկ կարգ իրանական ծագում ունեցող որոշ գյուղատնտեսական ապրանքների համար։ Այդ ապրանքները հնարավոր կլինի ներմուծել Իրանից՝ առանց մաքսատուրքի՝ համապատասխան լիցենզիայի առկայության դեպքում։

Համապատասխան որոշումը հաստատվել է կառավարության հուլիսի 3-ի նիստում։ Այս քայլը պայմանավորված է ԵԱՏՄ-Իրան ազատ առևտրի համաձայնագրի ուժի մեջ մտնելու հետ, որը գործում է 2025 թ. մայիսի 15-ից։ Համաձայնագրով նախատեսված են սակագնային արտոնություններ և քվոտաներ՝ սահմանափակ ծավալներով։

Ներմուծման գործընթացը կկարգավորի ՀՀ էկոնոմիկայի նախարարությունը։