Իրանցի փորձագետ․ «Իրանում խոցված իսրայելական ԱԹՍ-ները ուղարկվել են Ադրբեջանի տարածքից»

Իրանցի միջազգայանգետ Էհսան Մովահեդիանը օրերս տված հարցազրույցներից մեկի ժամանակ ասել է, որ Իրանում խոցված անօդաչու թռչող սարքերը ուղարկվել են Ադրբեջանի տարածքից։

Փորձագետը մասնավորապես ասել է. «Իրանում խոցված Իսրայելի անօդաչու թռչող սարքերը միանգամայն նման են այն սարքերին, որոնք Ադրբեջանը կիրառել էր Ղարաբաղյան պատերազմի ժամանակ։ Այսինքն՝ դրանք Իսրայելի և Ադրբեջանի համատեղ արտադրանք են, որը ստեղծվել է Բաքվում։ Քանի որ իսրայելական անօդաչուների առավելագույն թռիչքի հեռավորությունը մոտ 1000 կիլոմետր է, իսկ Իսրայելից մինչև Իրանի տարածք ավելի քան 1500 կիլոմետր է, ուստի ակնհայտ է, որ դրանք ուղարկվել են հենց Ադրբեջանի տարածքից»։