Սանկտ Պետերբուրգում պատմական առանձնատուն է հրդեհվել

Սանկտ Պետերբուրգի Ադմիրալտի շրջանի պատմական առանձնատանը, որը «Կ.Լ. Միլլերի առանձնատուն և բնակարանային շենք» համալիրի մաս է կազմում, հրդեհ է բռնկվել։ Ռուսատական լրատվամիջոցների հաղորդմամբ՝ հրդեհի ժամանակ տանիքը փլուզվել է։ Բնակիչները տարհանվել են հետագա փլուզման վտանգի պատճառով։ Հաղորդվել է, որ ոստիկանությունը շրջափակել է Սուրբ Իսահակի հրապարակը։

Հրդեհի տարածման պատճառով տարհանվել են նաև հարակից շենքի բնակիչները, ինչպես նաև ու հարակից հյուրանոցի բոլոր աշխատակիցներն ու հյուրերը։ Նրանց համար կազմակերպվել է ժամանակավոր կացարան կրթական հաստատությունում՝ տաք սնունդով և գիշերակացի հնարավորությամբ։ Բնակիչներին օգնելու համար ստեղծվել է նաև շրջանային շտաբ։

Վերջին տարիներին այդ առանձնատունը դատարկ է եղել, և «TAS» ընկերությունը պլանավորել է այն վերականգնել որպես շքեղ բնակարան։ Աշխատանքների արժեքը գնահատվել է ավելի քան 700 մլն ռուբլի, և նախատեսվում էր, որ դրանք կավարտվեն 2027-ին: Ընկերությունը պարզաբանել է, որ հրդեհից առաջ ընթանում էին վերականգնման նախապատրաստական ​​աշխատանքներ։