Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ նախարարության աշխատանքների արդյունքում Թուրքիան և Նախիջևանը կապող Կարս-Իգդիր-Արալըք-Դիլուջու երկաթուղային նախագծի համար 2,4 միլիարդ եվրոյի արտաքին ֆինանսավորում կհատկացվի։
Ուրալօղլուն նշել է, որ սա ևս մեկ ռազմավարական քայլ է, որը միացնելու է Թուրքիայի արևելքը Ասիային։
Նախարարը հավելել է, որ այդ ֆինանսավորումը ցուցիչն է այն բանի, որ միջազգային հարթակում վստահություն կա Թուրքիայի կիրառած տնտեսական ծրագրի նկատմամբ։ Նա ընդգծել է, որ իր ղեկավարած նախարարությունը շարունակելու է իրականացնել այն ենթակառուցվածքային նախագծերը, որոնք կուժեղացնեն Թուրքիայի լոգիստիկ ներուժը և կբարձրացնեն նրա մրցունակությունը միջազգային մակարդակում։
Ուրալօղլու․«Թուրքիան Կարս-Նախիջևան երկաթուղու նախագծի համար 2,4մլրդ եվրոյի ներդրում է ներգրավել»
Հետևեք մեզ տելեգրամում
