ԱՄՆ պետքարտուղար Մարկո Ռուբիոն հայտարարել է, որ ԱՄՆ նախագահ Դոնալդ Թարմփը հանձնառու է խաղաղությանը և հանձնառու է լինել խաղաղության նախագահը։ Նա, ի թիվս այլ հակամարտությունների, անդրադարձել է նաև Հայաստանի և Ադրբեջանի միջև հակամարտությունը։
«Մենք տեսանք, որ երբ Հնդկաստանն ու Պակիստանը պատերազմի մեջ մտան, մենք անմիջականորեն միջամտեցինք, և նախագահը կարողացավ ապահովել այդ խաղաղությունը։ Կամբոջան և Թաիլանդը՝ ավելի վերջերս, Ադրբեջանն ու Հայաստանը․․․ բայց այս շաբաթվա ուրբաթ օրը մենք այստեղ կլինենք՝ համաձայնագիր ստորագրելու և խաղաղության պայմանագրի սկիզբը դնելու համար։ Կոնգոյի Դեմոկրատական Հանրապետություն-Ռուանդա՝ 30-ամյա պատերազմ, 7 միլիոն մարդու կյանք խլած՝ մենք կարողացանք նրանց այստեղ բերել՝ այն ստորագրելու համար։ Ակնհայտ է, որ աշխատանք է պետք՝ խաղաղությունը մշտական չէ։ Դրա վրա պետք է միշտ աշխատել և պահպանել։
Հիշեցնենք, որ օգոստոսի 8-ին՝ Վաշինգտոնի ժամանակով 14:30-ին, իսկ Հայաստանի ժամանակով 22:30-ին, տեղի կունենա ՀՀ վարչապետ Նիկոլ Փաշինյանի և ԱՄՆ նախագահ Դոնալդ Թրամփի հանդիպումը: 23:30-ին կկայանա Թրամփ-Ալիև հանդիպումը, իսկ 00:00-ին՝ եռակողմ։
Հետևեք մեզ տելեգրամում
