ԱՄՆ գաղտնի ծառայությունը, որը պատասխանատու է երկրի բարձրաստիճան պաշտոնյաների պաշտպանության համար, Ռուսաստանի և Ամերիկայի առաջնորդներ Վլադիմիր Պուտինի և Դոնալդ Թրամփի հանդիպումից առաջ բնակարան է վարձակալել Ալյասկայի Անքորիջ քաղաքում։
Հանդիպման վայրը դեռևս պաշտոնապես չի հայտարարվել, սակայն անշարժ գույքի գործակալ Լարի Դիսբրոուն The New York Times-ին հայտնել է, որ գաղտնի ծառայության խնդրանքով վարձակալել է Անքորիջում գտնվող «վեց ննջասենյակով անշարժ գույք»։
Օգոստոսի 8-ին Թրամփը հայտարարել էր, որ ակնկալում է Պուտինի հետ հանդիպել օգոստոսի 15-ին Ալյասկայում։ Այնուհետև այդ բանակցությունների ծրագրերը հաստատել է Ռուսաստանի նախագահի օգնական Յուրի Ուշակովը։ Նրա խոսքով՝ առաջնորդները կկենտրոնանան ուկրաինական ճգնաժամի երկարաժամկետ խաղաղ կարգավորման տարբերակների քննարկման վրա։ Կրեմլը ակնկալում է, որ Պուտինի և Թրամփի միջև հաջորդ հանդիպումը տեղի կունենա Ռուսաստանի տարածքում։
Հետևեք մեզ տելեգրամում
