Արաղչի․ «Զանգեզուրի միջանցքի» գաղափարը փոխվել է, Իրանը ստացել է Հայաստանի վստահեցումներ

Իրանի արտգործնախարար Աբբաս Արաղչին իրանական 1-ին ալիքին տված հարցազրույցում, ի թիվս այլ հարցերի, անդրադառնալով Հայաստանի ու Ադրբեջանի միջև վաշինգտոնյան համաձայնությանը։ Արաղչին հայտարարել է, որ Վաշինգտոնում ստորագրված հայ-ադրբեջանական համաձայնագրի վերաբերյալ իրենք ամբողջական բացատրություններ են ստացել Հայաստանի ղեկավարությունից։

Նա ընդգծել է, որ «Զանգեզուրի միջանցք» գաղափարը, որն սկզբում ենթադրում էր «Սյունիքի գրավում և Ադրբեջանի ինքնիշխանության տակ գտնվող լայն միջանցք», այժմ փոխվել է և վերածվել է պարզապես Հայաստանի օրենքներով գործող ամերիկյան ինժեներական ընկերության կառուցած ճանապարհի նախագծի։

Նախարարը նշել է, որ ըստ Երևանի՝ այն մնալու է Հայաստանի ինքնիշխանության ներքո, առանց ամերիկյան զինուժի կամ անվտանգության մասնավոր ընկերությունների ներգրավման։ Արաղչին շեշտել է, որ Իրանը հայտնել է մտահոգությունները, սակայն ստացել է վստահեցումներ, որ իր կարմիր գծերը պահպանվել են։
Արաղչին նաև նշել է, որ որոշ ուժեր փորձում են փչացնել Իրանի հարաբերությունները թե՛ Ադրբեջանի, թե՛ Հայաստանի հետ, և կարևորել է փաստերի վրա հիմնված մոտեցումը, և ավելացրել, էԻրանը, ինչպես նաև Ռուսաստանը, մտահոգ են տարածաշրջանում ցանկացած արտաքին ներկայությամբ, սակայն աջակցում են հայ–ադրբեջանական խաղաղությանը՝ պայմանով, որ սահմանները և ինքնիշխանությունը չփոխվեն։