Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՆԱՏՕ-ի գլխավոր քարտուղար Մարկ Ռյուտեի հետ։ Կողմերը քննարկել են ռուս-ուկրաինական հակամարտության վերջին զարգացումները, տարածաշրջանային և գլոբալ հարցեր։
Էրդողանը նշել է, որ առաջընթաց է գրանցվել Ստամբուլում Ուկրաինայի և Ռուսաստանի միջև մշտական հրադադարի հաստատման վերաբերյալ Թուրքիայի նախաձեռնած բանակցություններում և հավելել է, որ իրենք կարևորում են, որ այդ գործընթացը թույլ տա նաև դրական զարգացումներ ունենալ հումնանիտար հարցերով։
Ռյուտեն իր հերթին գնահատել է Ուկրաինայում ստեղծված իրավիճակը՝ ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի միջև Ալյասկայում կայանալիք գագաթնաժողովից առաջ։
Նշենք, որ այսօր Ալյասկայում նախատեսված է Թրամփ-Պուտին հանդիպում։
Նախագահ Էրդողանը նաև հայտնել է, որ Թուրքիան ուշադիր հետևում է Ալյասկայում կայանալիք հանդիպման զարգացումներին։
Հետևեք մեզ տելեգրամում
