Իրանի նախագահ Մասուդ Փեզեշքիանի՝ Հայաստան ու Բելառուս այցերի նախաշեմին նրա գլխավորությամբ կառավարության նիստ է անցկացվել, որի ժամանակ քննարկվել են երկու երկրների հետ ԻԻՀ հարաբերությունները։ Անդրադարձ է եղել էներգետիկայի, տրանսպորտի, առևտրի, ներդրումների, առողջապահության, շրջակա միջավայրի, գիտության, մշակույթի, զբոսաշրջության ոլորտներում համագործակցության առկա հնարավորություններին, ինչպես նաև դրանց զարգացման խոչընդոտներին ու հաղթահարման ուղիներին։
Քննարկվել է նաև Հայաստանի և Ադրբեջանի միջև վերջերս ձեռք բերված համաձայնությունը:
Ընդգծվել է, որ Թեհրանի շահերի և նկատառումների ապահովմանն ուղղված Հայաստանի և Իրանի պաշտոնյաների շփումները ակտիվ և կառուցողական դիվանագիտության օրինակ են։ Փեզեշքիանը ընդգծել է հարևան երկրների հետ բարեկամական կապերն ամրապնդելու և տարածաշրջանային համագործակցությունը ընդլայնելու Իրանի վճռականությունը: Նա շեշտել է նաև մասնավոր հատվածի գործունեության դյուրացման և համատեղ ներդրումային ծրագրերի իրագործման կարևորությունը:
Հետևեք մեզ տելեգրամում
