Հոկտեմբերի 13-ի երեկոյան կիբերհարձակման են ենթարկվել Ադրբեջանի պետական մարմինների ավելի քան 100 ինտերնետային տիրույթներ։ Այս մասին հայտնում է «APA» գործակալությունը՝ հղում անելով Ադրբեջանի պետական հատուկ կապի և տեղեկատվական անվտանգության ծառայությանը։
Գերատեսչության տվյալներով՝ հարձակումը իրականացրել է օտարերկրյա հաքերային խմբավորում։ Դրա հետևանքով խափանումներ են առաջացել մի շարք պետական մարմինների ինտերնետային ռեսուրսների աշխատանքում։
Ծառայությունը հայտնել է, որ ձեռնարկված տեխնիկական միջոցները կարողացել են վերացնել հարձակման հետևանքները։
Հետևեք մեզ տելեգրամում
