Փարիզում ԱՄՆ դեսպան Չարլզ Քուշերին հրավիրել են Ֆրանսիայի արտաքին գործերի նախարարություն այն բանից հետո, երբ նա նամակ է գրել Ֆրանսիայի նախագահ Էմանուել Մակրոնին՝ պնդելով, որ Ֆրանսիան բավարար միջոցներ չի ձեռնարկել հակասեմական բռնությունը կանխելու համար։
Նամակում նա Ֆրանսիայի նախագահ Էմանուել Մակրոնին կոչ է արել ավելի արագ կիրառել ատելության հողի վրա հանցագործությունների մասին օրենքները և մեղմացնել Իսրայելի հասցեին քննադատությունը՝ նշելով, որ Ֆրանսիայի կառավարության հայտարարությունները Պաղեստինի պետությունը ճանաչելու մասին Ֆրանսիայում հակասեմական միջադեպեր են հրահրել։
«Իսրայելին վիրավորող հրապարակային հայտարարությունները և Պաղեստինի պետության ճանաչմանն ուղղված ժեստերը խրախուսում են ծայրահեղականներին, բորբոքում բռնությունը և վտանգում հրեական կյանքը Ֆրանսիայում: Այսօրվա աշխարհում հակասիոնիզմը հակասեմիտիզմ է՝ պարզ ու պարզ»,-նամակում գրել է Քուշները, որը հրապարակվել է The Wall Street Journal-ում։
Նշենք, որ Չարլզ Քուշերը հրեա է, և իր որդին՝ Ջարեդ Քուշներն ամուսնացած է ԱՄՆ նախագահ Դոնալդ Թրամփի աղջկա՝ Իվանկա Թրամփի հետ։
Ֆրանսիան պաշտոնապես հայտարարել է, որ պատրաստվում է սեպտեմբերին ճանաչել Պաղեստինի պետությունը։
Հետևեք մեզ տելեգրամում
