Միացյալ Նահանգները կարծում է, որ Իսրայելի և Սիրիայի միջև անվտանգության միջոցառումների և հարաբերությունների կարգավորման վերաբերյալ երկկողմ համաձայնագրի մշակման շուրջ բանակցությունները դեռևս հեռու են ավարտից։ Այս մասին Axios-ի թղթակից Բարաք Ռավիդին հայտարարել է Մերձավոր Արևելքի հարցերով ԱՄՆ հատուկ ներկայացուցիչ, Թուրքիայում ԱՄՆ դեսպան Թոմ Բարաքը:
«Նրանք ունեն ընդհանուր մտադրություններ և ցանկություններ, բայց այս պահին դեռ շատ աշխատանք կա անելու»,-ասել է Բարաքը՝ հավելելով, որ բանակցությունների վերջնական փուլը դեռ մոտ չէ։
Դեսպանն ընդգծել է, որ Իսրայելն ու Սիրիան «բարեխղճորեն քննարկում են» հնարավոր համաձայնագրի պարամետրերը։
«Այս պետությունների միջև կառուցողական երկխոսությունը երկարաժամկետ փոխըմբռնման ուղին է, որը կապահովի կայունություն և բարգավաճում տարածաշրջանում»,-հավելել է հատուկ ներկայացուցիչը։
Հետևեք մեզ տելեգրամում
