Իսրայելի վարչապետ Բենյամին Նեթանյահուն Պատրիկ Բեթ-Դեյվիդի պոդքասթում հայտնել է, որ անձամբ ճանաչում է 20-րդ դարի սկզբին Օսմանյան կայսրության կողմից իրականացրած Հայոց, ասորիների ու հույների ցեղասպանությունը:
Լրագրողի հարցին, թե ինչու Իսրայելը չի ճանաչում Հայոց ցեղասպանությունը, Նեթանյահուն պատասխանել է.
«Կարծում եմ՝ ճանաչել ենք։ Կարծում եմ՝ Քնեսեթն այդ մասին բանաձև է ընդունել», չնայած նման օրենսդրական ակտ դեռևս չի ընդունվել։
Ճշտող հարցին, թե ինչու Իսրայելի ոչ մի վարչապետ չի ճանաչել ցեղասպանությունը՝ Նեթանյահուն շեշտել է, որ նա դա արել է հենց այդ պահին:
«Ես հենց նոր ճանաչեցի։ Ահա, սկսեք»,-ասել է Իսրայելի վարչապետը:
Հետևեք մեզ տելեգրամում
