Վրաստանի նախկին նախագահ Սալոմե Զուրաբիշվիլին անդրադարձել է ՏԻՄ ընտրություններին մասնակցող կուսակցություններին՝ նշելով, որ որևէ բան չեն փոխելու այդ ընտրությունները։
«Ես չեմ կարող չանդրադառնալ այն կուսակցություններին, որոնք խաղում են տեղական ինքնակառավարման մարմինների ընտրություններ։ Որտե՞ղ ենք մենք։ Որտե՞ղ է երկիրը։ Մեր այսօրվա խնդիրն իսկապես երկրի ապագայի խնդիր է, երկրի ապագան փրկելու խնդիր, Վրաստանի անկախությունը փրկելու խնդիր»,- հայտարարել է Զուրաբիշվիլին։
«Այսօր մենք բոլորս չենք կարող չհասկանալ, որ կառավարությունը Վրաստանը ղեկավարում է ռուսական մոդելով, ռուսական ռեժիմի ձևավորումը շատ արագ է տեղի ունենում։ Առաջ քաշված մեղադրանքները հասցվել են լիակատար անհեթեթության։ Հարցն այն է, որ Վրաստանում այս ամենը զարգանում է նույնիսկ ավելի արագ, քան Ռուսաստանում։ Կարծում եմ, որ այսօր ժամանակն է, որ հասարակությունը հասկանա. համակերպվել նշանակում է այս երկիրը հանձնել Ռուսաստանին, և ես չեմ կարծում, որ Վրաստանը պատրաստ է հանձնվել»,- նշել է Զուրաբիշվիլին։
Հետևեք մեզ տելեգրամում
