Վրաստանի արտաքին գործերի նախարար Մակա Բոճորիշվիլին Վրաստանի հանրային հեռարձակողի առաջին ալիքին տված հարցազրույցում հայտարարել է, որ Եվրամիության կողմից Վրաստանի հետ առանց վիզայի ճանապարհորդությունը կասեցնելու իրավական հիմքեր չկան։
«Այս պահին դրա համար իրավական հիմքեր չկան։ Վրաստանի կառավարությունը միշտ բարեխղճորեն արել է և շարունակում է անել ամեն ինչ, որպեսզի Վրաստանի քաղաքացիները օգտվեն այս արտոնությունից։ Այն փաստը, որ Վրաստանի բնակչությունն այսօր օգտվում է ԵՄ անդամ պետություններ և Շենգենյան գոտի առանց վիզայի ճանապարհորդելու հնարավորությունից, ամբողջությամբ կառավարության շնորհիվ է»,-ասել է Բոճորիշվիլին։
Նշենք, որ ավելի վաղ Եվրահանձնաժողովի մամուլի խոսնակ Անիտա Հիպպերը հայտարարել էր, որ Եվրահանձնաժողովը ուսումնասիրում է Վրաստանի նկատմամբ պատժամիջոցներ կիրառելու և երկրի հետ առանց վիզայի ճանապարհորդությունը չեղարկելու հնարավորությունը։
Հետևեք մեզ տելեգրամում
