Նիդերլանդների գերագույն դատարանը երկրի կառավարությանը պարտավորեցրել է վերանայել Իսրայել F-35 կործանիչների պահեստամասերի արտահանման ներկայիս կասեցված լիցենզիան՝ ի պատասխան այն մտահոգությունների, որ դրանք կարող են օգտագործվել միջազգային իրավունքի խախտմամբ, հաղորդում է Associated Press-ը։
Գերագույն դատարանը որոշել է, որ Հաագայի վերաքննիչ դատարանը գերազանցել է իր լիազորությունները, երբ 2024 թվականի փետրվարին արգելեց F-35-ի պահեստամասերի մատակարարումը Իսրայելին՝ մտահոգություններ հայտնելով, որ դրանք կարող են օգտագործվել միջազգային իրավունքի խախտմամբ։ Այս որոշումը կառավարությանը դրդեց դադարեցնել արտահանումը։
Դատարանի որոշմամբ, կառավարությունն այժմ վեց շաբաթ ունի լիցենզիան վերանայելու համար։
Այս որոշումը կայացվել է այն ժամանակ, երբ Իսրայելը շարունակում է իր ավերիչ հարձակումը Գազայում և Նիդեռլանդներում քաղաքական փոփոխությունների շրջանում, երբ հոկտեմբերի 29-ին նշանակված են ազգային ընտրություններ, իսկ ներկայիս կառավարությունը ժամանակավոր պաշտոնակատարի կարգավիճակում է։
Գործը սկզբնապես հարուցվել է 2023թ․ վերջին։ Մարդու իրավունքների հոլանդական երեք կազմակերպություններ պնդում էին, որ F-35-ի մասերի փոխանցումը Նիդեռլանդներին դարձնում է Իսրայելի կողմից Գազայում կատարված հնարավոր պատերազմական հանցագործությունների մեղսակից։ Հաագայի շրջանային դատարանը սկզբում մերժել է արգելքը, սակայն 2024թ․ փետրվարին վերաքննիչ դատարանը պարտավորեցրել է Նիդեռլանդների կառավարությանը դադարեցնել F-35 կործանիչների պահեստամասերի մատակարարումը Իսրայել։
Հետևեք մեզ տելեգրամում
