Վրաստանի Կենտրոնական ընտրական հանձնաժողովի ղեկավար Գիորգի Կալանդարիշվիլին հայտնել է, որ ամբողջ երկրում բացվելու է 3061 ընտրատեղամաս, որոնցից 2284-ը կքվեարկեն էլեկտրոնային եղանակով, իսկ 777-ը՝ ավանդական եղանակով։ Հոկտեմբերի 4-ի ՏԻՄ ընտրություններում քաղաքացիները կընտրեն 64 քաղաքային խորհուրդների 2058 անդամի և 64 քաղաքապետի։
«Ընտրական գործընթացին կհետևեն 28 միջազգային և 27 տեղական կազմակերպությունների դիտորդներ, իսկ գործընթացը կլուսաբանի 73 լրատվամիջոցի մինչև 1000 ներկայացուցիչ։ Գրանցված միջազգային կազմակերպությունների թվում են տարբեր դեսպանատների, ինչպես նաև միջազգային կազմակերպությունների և ընտրական հանձնաժողովների ներկայացուցիչներ 21 երկրներից, այդ թվում՝ Բուլղարիայից, Ալբանիայից, Բոսնիա և Հերցեգովինայից, Հունգարիայից, Սլովակիայից, Մոնտենեգրոյից, Թուրքիայից և Մոլդովայից։ Հոկտեմբերի 4-ի ընտրություններին գրանցվել է տասներկու կուսակցություն։ Թբիլիսիում գրանցվել է քաղաքապետի ինը թեկնածու»,-հայտարարել է Կալանդարիշվիլին։
Հետևեք մեզ տելեգրամում
