Իտալիայում ընթանում է ևս մեկ համընդհանուր գործադուլ, որը կազմակերպել է ամենամեծ արհմիությունը՝ Իտալիայի աշխատանքի ընդհանուր կոնֆեդերացիան։ Կազմակերպիչներն իրենց աջակցությունն են հայտնել Պաղեստինին և «Սումուդ» նավատորմի առաքելությանը, որի անդամները ձերբակալվել են Իսրայելի իշխանությունների կողմից՝ Գազայի հատվածի ծովային շրջափակումը ճեղքելու փորձի համար։
Հաղորդվում է գնացքների և մերձքաղաքային գնացքների չեղարկումների և ուշացումների մասին։ Նավահանգստի աշխատողները միացել են գործադուլին։ Մասնավորապես, Լիվորնոյի նավահանգիստ մուտքը փակ է, և բեռնատարների երկար հերթեր են գոյանում։
Հռոմում, Միլանում, Նեապոլում և Թուրինում մարդիկ հավաքվել էին երթերի՝ կրելով Պաղեստինի և բողոքի ակցիային աջակցող միավորումների դրոշները: Սակայն կարգավորող մարմինը ընդհանուր գործադուլը անօրինական ճանաչեց՝ վերջերս տեղի ունեցած նմանատիպ բողոքի ակցիայի պատճառով: Կառավարությունը քննարկում է գործադուլավորների համար տուգանքներ սահմանելու հնարավորությունը: Իտալիայի վարչապետ Ջորջիա Մելոնին ուրբաթ օրվա գործադուլը բացահայտորեն որակեց որպես «շաբաթավերջը երկարաձգելու ցանկություն»:
Ցույցերն Իտալիայի տարբեր քաղաքներում շարունակվում են արդեն երրորդ օրն անընդմեջ:
Հետևեք մեզ տելեգրամում
