ՌԴ նախագահ Վլադիմիր Պուտինը և Ադրբեջանի նախագահ Իլհամ Ալիևը հոկտեմբերի 10-ին Դուշանբեում երկկողմ հանդիպում կունենան։
Ռուսաստանի և Ադրբեջանի նախագահների այս հանդիպումն առաջինը կլինի մեկ տարի դադարից հետո։ Պուտինը և Ալիևը կարճ ժամանակով հանդիպել են սեպտեմբերին Չինաստանում՝ Շանհայի համագործակցության կազմակերպության գագաթնաժողովում։
Ռուսաստանի նախագահի մամուլի քարտուղար Դմիտրի Պեսկովի խոսքով՝ առաջիկա հանդիպման օրակարգի հիմնական թեման երկկողմ հարաբերություններն են։ «Այն փաստը, որ հանդիպումը տեղի է ունենում, ցույց է տալիս երկու առաջնորդների մտադրությունը՝ քննարկել բոլոր հրատապ հարցերը»,-ընդգծել է Պեսկովը։
Նա հավելել է, որ չի կարող խոսել իր ադրբեջանցի գործընկերների անունից, սակայն ռուսական կողմը դրական է տրամադրված։
Հետևեք մեզ տելեգրամում
