Նոբելյան մրցանակի դափնեկիր Տարոն Աճեմօղլուն հայտարարել է, որ չի աշխատում հայաստանյան որևէ կուսակցության հետ։
Սամվել Կարապետյանի կողմից հիմնադրված «Մեր ձևով» շարժման վերջին հանդիպման ժամանակ տարածվել է Տարոն Աճեմօղլուի ուղարկած տեսաուղերձը։
Տեսաուղերձից առաջ շարժման առաջնորդներից մեկը՝ Նարեկ Կարապետյանը, հայտարարել էր, որ Աճեմօղլուն որպես խորհրդատու և փորձագետ իր մասնակցությունն է ունենալու շարժման կողմից կազմվող՝ Հայաստանի տնտեսական զարգացման ծրագրի աշխատանքներին
Այս ամենից հետո հայկական մի շարք լրատվական կայքեր հրապարակել են լուրեր՝ նշելով, որ Աճեմօղլուն միացել է Կարապետյանի շարժմանը։
Սակայն Աճեմօղլուն, մեկնաբանելով այս թեման «Ակոս»-ի հետ զրույցում, ասել է. «Ես չեմ աշխատում ո՛չ Հայաստանում, ո՛չ էլ Թուրքիայում որևէ կուսակցության հետ։ Ես ուղերձ եմ ուղարկել նրանց համաժողովի համար, բայց ես որևէ կապ չունեմ կուսակցության հետ»։
Հետևեք մեզ տելեգրամում
