Արևմուտքը փորձում է Կովկասի և Կենտրոնական Ասիայի երկրները հեռացնել Ռուսաստանից՝ կառուցելով սեփական համագործակցության կառույցները։ Մոսկվան բոլոր ուժերով կհակազդի նման փորձերին։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը:
«ՆԱՏՕ-ն և Եվրամիությունը կառուցում են իրենց սեփական երկխոսությունները, փոխգործակցության կառույցները Կենտրոնական Ասիայի և Անդրկովկասի երկրների հետ, և Արևմուտքը փորձում է շահագործել այդ կապերը ոչ այնքան փոխշահավետ համագործակցության համար, որքան այդ երկրները Ռուսաստանից անջատելու համար»,-ասել է Լավրովը։
«Մենք, իհարկե, կճնշենք նման միտումները բոլոր հասանելի միջոցներով՝ դիվանագիտական, քաղաքական և տնտեսական»,-ասել է Լավրովը՝ ընդգծելով, որ Ռուսաստանը երբեք չի համաձայնի, որ Կենտրոնական Ասիայում և Անդրկովկասում իր դաշնակիցների և համախոհ գործընկերների բարի կամքը շահագործվի ու չարաշահվի, կամ «մղվի Ռուսաստանի Դաշնությանը հակադրվելու, ինչը բացարձակապես անբնական է նրանց տնտեսական և քաղաքական շահերի համար»։
Հետևեք մեզ տելեգրամում
