Միացյալ Նահանգները դրական է գնահատում Ադրբեջանի և Ինդոնեզիայի հետ բանակցությունները՝ Գազայի հատվածում միջազգային կայունացման ուժեր ստեղծելու համար ռազմական զորամիավորումներ տեղակայելու վերաբերյալ: Այս մասին հայտարարել է ՄԱԿ-ում ԱՄՆ մշտական ներկայացուցիչ Մայք Ուոլցը։
«Շատ երկրներ ՄԱԿ-ի կողմից հաստատման կարիք ունեին՝ Գազայի կայունացման համար զորքեր ուղարկելու համար: Բավականին դրական բանակցություններ են ընթացել այնպիսի երկրների հետ, ինչպիսիք են Ադրբեջանը, Ինդոնեզիան և այլ պետություններ»,-ասել է Ուոլցը՝ ելույթ ունենալով Սինգապուրում Bloomberg-ի կողմից կազմակերպված Նոր տնտեսական ֆորումում։
Ավելի վաղ Axios-ը, հղում անելով աղբյուրներին, հայտնել էր, որ ԱՄՆ-ն փակ բանակցություններ է վարում մի քանի երկրների հետ՝ Գազայի հատվածում միջազգային կայունացման ուժեր ստեղծելու վերաբերյալ: Դրանցում կարող են ներառվել Ադրբեջանի, Եգիպտոսի, Ինդոնեզիայի և Թուրքիայի ներկայացուցիչներ, ինչպես նաև պաղեստինյան ոստիկանության ստորաբաժանումներ:
Հետևեք մեզ տելեգրամում
