Իսրայելի կառավարությունը գիտակցում է, որ տարածաշրջանում իր ձեռնարկած յուրաքանչյուր քայլ անօրինական է և անկայունություն է հրահրում։ Այս մասին լրագրողներին հայտարարել է Թուրքիայի նախագահ Ռեջեփ Թայիփ Էրդողանը:
«Սիրիայի տարածքային ամբողջականությունը մեզ համար հիմնարար նշանակություն ունի։ Սիրիայի ճակատագիրը կորոշի սիրիացի ժողովուրդը։ Թուրքիան այն երկիրն է, որը լավագույնս հասկանում է, թե որքան բարձր կարող է լինել Սիրիայում նույնիսկ ամենաաննշան ցնցումների և անկայունության գինը։ Մենք ցանկանում ենք խաղաղություն, հանգստություն և անվտանգություն մեր տարածաշրջանի յուրաքանչյուր քառակուսի մետրում, հատկապես Սիրիայում, Իրաքում և Լիբանանում։ Իսրայելի կառավարությունը գիտի, որ տարածաշրջանում իր ձեռնարկած յուրաքանչյուր քայլ անօրինական է և անկայունության աղբյուր։ Կենտրոնացեք այն բանի վրա, թե ինչ է անում Թուրքիան, այլ ոչ թե այն բանի վրա, թե ինչ է գրում իսրայելական մամուլը»,-ասել է նա՝ մեկնաբանելով իսրայելցի պաշտոնյաների կողմից Անկարայի հասցեին արված որոշ հայտարարություններ:
Էրդողանն ընդգծել է, որ Թուրքիան կշարունակի «քայլեր ձեռնարկել երկրի ազգային անվտանգության և խաղաղության շահերից ելնելով», այդ թվում՝ տարածաշրջանում ստեղծված իրավիճակի համատեքստում։
Հետևեք մեզ տելեգրամում
