Իրանի պետական հեռուստատեսությունը ԱՄՆ նախագահ Դոնալդ Թրամփի որդու՝ Բարոն Թրամփի մասին երեք րոպեանոց տեսանյութ է ցուցադրել, որում ներկայացվել են նրա տեղաշարժերին վերաբերող տվյալներ, ինչպես նաև հիշատակվել է 10 մլն դոլարի պարգևավճար։
Տեսանյութում գրաֆիկական նյութերի միջոցով ներկայացվել են Բարոն Թրամփի՝ նախկինում այցելած վայրերը, այդ թվում՝ Նյու Յորքի Trump Tower-ը, նրա ենթադրյալ առցանց և խաղային հաշիվները, ինչպես նաև ԱՄՆ Գաղտնի ծառայության պաշտպանությունը շրջանցելու հնարավոր ուղիները։
Տեսանյութի վերջում հաղորդավարը հայտարարել է, որ «10 մլն դոլար պարգևավճարը ստանալ ցանկացողներ շատ կլինեն»։ Միաժամանակ հրապարակման մեջ չի նշվում, թե ով է պաշտոնապես սահմանել այդ պարգևավճարը։
Իրանական պետական լրատվամիջոցները նախկինում ևս նմանատիպ տեսանյութեր են հրապարակել Դոնալդ Թրամփի և ԱՄՆ առաջին տիկին Մելանիա Թրամփի վերաբերյալ։
Այս հրապարակումները տարածվում են ԱՄՆ-Իրան հարաբերություններում շարունակվող լարվածության և Թեհրանի՝ ամերիկացի քաղաքական գործիչներից վրեժ լուծելու վերաբերյալ նախկին հայտարարությունների ֆոնին։
Հետևեք մեզ տելեգրամում
