ԵԱՀԿ Մինսկի խմբի լուծարման որոշումը կենսական նշանակության քայլ է, որն աջակցում է Ադրբեջան-Հայաստան խաղաղ գործընթացին։ Այս մասին ԵԱՀԿ Արտգործնախարարների խորհրդի 32-րդ նիստում հայտարարել է Ֆինլանդիայի արտգործնախարար և ԵԱՀԿ գործող նախագահ Էլինա Վալտոնենը։
«Ես դրական առաջընթաց եմ տեսել Ադրբեջանի և Հայաստանի միջև խաղաղ գործընթացում։ Օգոստոսին մենք որոշում կայացրինք լուծարելու ԵԱՀԿ Մինսկի խումբը և դրա հետ կապված հաստատությունները։ Սա կենսական քայլ էր՝ ի աջակցություն խաղաղ գործընթացին և ԵԱՀԿ-ի բյուջեի ընդունման գլխավոր խոչընդոտը վերացնելու համար», – նշել է Էլինա Վալտոնենը։
Նշենք, որ Ղարաբաղյան հակամարտության կարգավորման նպատակով ստեղծված ու Ֆրանսիայի, Միացյալ Նահանգների, Ռուսաստանի համանախագահությամբ գործող այս խմբի լուծարման պահանջը Ադրբեջանն էր առաջադրել որպես խաղաղության պայմանագրի նախաստորագրման պայման, ինչը հայկական կողմը բավարարեց։ Երկու երկրների արտգործնախարարներ Միրզոյանն ու Բայրամովը Մինսկի խմբի լուծարման վերաբերյալ համատեղ դիմումը ստորագրել են Վաշինգտոնում, օգոստոսի 8-ին։
Հետևեք մեզ տելեգրամում
