Վրաստանի զբոսաշրջության ազգային վարչությունը հայտնել է, որ 2026 թվականի սկզբից բոլոր օտարերկրյա զբոսաշրջիկները պարտավոր են ունենալ բժշկական և դժբախտ պատահարներից ապահովագրություն: Փաստաթուղթը պետք է ձևակերպվի վրացերեն կամ անգլերեն:
Խախտումները կհանգեցնեն 300 լարիի (մոտավորապես 43 000 դրամ) տուգանքի: Առանց ապահովագրության մուտքը կարող է մերժվել: Ապահովագրությունը պետք է ներառի առնվազն 5000 դոլարի չափով շտապ ամբուլատոր ծառայություններ և առնվազն 30 000 դոլարի չափով ստացիոնար բուժում (սա ներառում է հնարավոր վթարներ, վնասվածքներ, հանկարծակի հիվանդություններ և բժշկական տարհանում):
Փաստաթուղթը պետք է գործի մուտքի պահից և ներառի երկրում գտնվելու ամբողջ ժամանակահատվածը։ Սահմանապահներն իրավունք ունեն այն պահանջել ինչպես օդանավակայաններում, այնպես էլ ցամաքային սահմանային անցակետերում:
Հետևեք մեզ տելեգրամում
