Քաղաքային զարգացման հիմնադրամը կառավարության հանձնարարականով հայտարարել է մրցույթ՝ Թբիլիսիի Չուգուրեթիի շրջանում՝ Գեդևանիշվիլի փողոցում (նախկինում՝ «Արսենալի բլուր») գտնվող տարածքում «կառավարական քաղաքի» գլխավոր հատակագծի և նախագծերի պատրաստման ծառայությունների ձեռքբերման համար։ Նախատեսվում է քաղաքի կենտրոնից այս շրջան տեղափոխել խորհրդարանի շենքը, արտաքին գործերի նախարարությունը, կառավարության աշխատակազմը և միջոցառումների դահլիճը։
Մրցութային փաստաթղթերում նշված է, որ «շենքերի և կառույցների անվտանգ և անխափան գործունեության համար դրանց շուրջ պետք է տեղադրվի ցանկապատ»:
«Նախագծի հիմնական նպատակն է բարելավել հանրային ծառայությունների մատչելիությունը և ստեղծել ժամանակակից, միասնական և կայուն տարածք, որը լիովին կինտեգրվի մայրաքաղաքի նախագծային կառուցվածքին։ Գոյություն ունեցող տարածքը պետք է մշակվի այնպես, որ դառնա քաղաքի անբաժանելի մասը և նպաստի պետական և հանրային ծառայությունների բարելավմանը, միջգերատեսչական համակարգման ամրապնդմանը և օպտիմալացմանը, ինչպես նաև պետական և հանրային միջոցառումների կազմակերպմանն ու սահուն անցկացմանը», – նշվում է փաստաթղթում։
«Կառավարական քաղաք» ստեղծելու գաղափարն առաջին անգամ Վրաստանի իշխանությունների մոտ ծագել էր 2017 թվականին։
Հետևեք մեզ տելեգրամում
