Իրանի նախագահ Էբրահիմ Ռայիսին հանդիպել է Պակիստանի բանակի հրամանատար Ասիմ Մունիրի հետ: Տեղեկությունը փոխանցում է ISNA լրատվամիջոցը:
Հանդիպման ընթացքում զրուցակիցները քննարկել են տարածաշրջանային խաղաղությանը, սահմանային անվտանգությանն առնչվող հարցեր:
Ռայիսին ընդգծել է, որ Իրանն ու Պակիստանը, զինված ուժերի համագործակցության խորացմամբ, կարող են նպաստել տարածաշրջանի խաղաղությանն ու կայունությանը:
Պակիստանի բանակի հրամանատարն էլ ընդգծել է սահմանային համագործակցության համակարգման կարևորությունը՝ կանխելու ահաբեկիչների կողմից երկու երկրների հարաբերություններին վնաս հասցնելը:
Հիշեցնենք, որ օրերս Իրանի նախագահը մեկնել էր Պակիստան: