Ադրբեջանը Հայաստանի հետ հարաբերություններում շարունակում է պնդել իր պայմանը

Ադրբեջանի արտաքին գործերի նախարար Ջեյհուն Բայրամովը հայտարարել է, որ տարիներ շարունակ տարվող քաղաքականության արդյունքում լուծվել է հակամարտությունը։

Բայրամովը նշել է, որ Հարավային Կովկասում ի հայտ են եկել նոր իրողություններ։

«Մենք դրա առաջին տարրերը տեսանք 2025 թվականին: Այս աշխատանքը կշարունակվի 2026 թվականին»,-ասել է նախարարը՝ կրկին շեշտելով, որ «Ադրբեջանի և Հայաստանի միջև խաղաղության համաձայնագրի ստորագրման համար անհրաժեշտ են Հայաստանի սահմանադրության փոփոխություններ և TRIPP-ի պարտավորությունների լիարժեք կատարում»։

«Վերջերս տեղի են ունեցել երկու երկրների քաղաքացիական հասարակության ներկայացուցիչների փոխադարձ այցելություններ: Գաբալայում տեղի է ունեցել նաև սահմանազատման հանձնաժողովի նիստ»,-հավելել է Բայրամովը։