Սիրիայի նախագահ Ահմադ ալ-Շարաան ներկայացրել է նոր թղթադրամների դիզայնը, որոնց վրա պատկերված են ծաղիկներ, նարինջներ և ձիթապտուղներ՝ նախկին նախագահ Բաշար ալ-Ասադի և նրա հոր՝ Հաֆեզ ալ-Ասադի դիմանկարների փոխարեն։ Այս մասին հաղորդում է SANA լրատվական գործակալությունը։
Նախագահը նշել է, որ նոր թղթադրամների ներդրումը նշանավորում է նախորդ դարաշրջանի ավարտը և Սիրիայի համար նոր փուլի սկիզբը։ Նա նշել է, որ նոր թղթադրամները, որոնց վրա կլինեն թթենիներ, նարինջներ, ձիթապտուղներ և ցորենի հասկեր, արտացոլում են Սիրիայի ժառանգությունը և նախատեսված են դոլարից կախվածությունը նվազեցնելու համար։
Նշենք, որ նախկինում 2000 ֆունտ արժողությամբ թղթադրամի վրա պատկերված էր Բաշար ալ-Ասադի դիմանկարը, իսկ 1000 ֆունտ արժողությամբ թղթադրամի վրա՝ նրա հայրը։ Մնացած թղթադրամների վրա պատկերված են սիրիական մշակութային ժառանգության վայրերը։
Հետևեք մեզ տելեգրամում
