Իրանի գերագույն առաջնորդ Ալի Խամենեին երկրում շարունակվող բողոքի ցույցերի ֆոնին ելույթ է ունեցել՝ նշելով, որ Իրանի Իսլամական Հանրապետությունը իշխանության է եկել մի քանի հարյուր հազար ազնիվ մարդկանց արյամբ և ջարդարարների դիմաց չի նահանջելու:
«Անցած գիշեր Թեհրանում և որոշ այլ վայրերում մի խումբ ջարդարարներ եկել և ավերում էին իրենց իսկ երկրին պատկանող շենքերը՝ միայն նրա համար, որ ԱՄՆ նախագահի սիրտը գոհանա, ուրախանա։ Քանի որ նա մի անհեթեթ խոսք է ասել, թե եթե Իրանի կառավարությունն այսինչ բանն անի, ես կգամ և ձեր կողմը կբռնեմ՝ խռովարարների և երկրի համար վնասակար մարդկանց կողմը։ Եվ նրանք էլ դրանից ուրախացել են: Թող բոլորը իմանան՝ Իսլամական Հանրապետությունը իշխանության է եկել մի քանի հարյուր հազար ազնիվ մարդկանց արյամբ և ջարդարարների դիմաց չի նահանջելու: Այն օտարների վարձկանությունը չի հանդուրժում։ Ով էլ որ լինես, եթե դարձար օտարների վարձկան, եթե աշխատեցիր օտարի համար, ժողովուրդը քեզ մերժում է, իսլամական համակարգը նույնպես քեզ մերժում է»:
Հետևեք մեզ տելեգրամում
