Նեպալի և Չինաստանի սահմանին՝ Ռասուվա շրջանում տեղի ունեցած ջրհեղեղների հետևանքով զոհերի թիվը հասել է 469-ի։ Այս մասին, հղում անելով Նեպալի ոստիկանությանը, հայտնում է «Kathmandu Post»-ը։
Ավելի քան 1300 մարդ, այդ թվում՝ օտարերկրացիներ, համարվում է անհետ կորած։ Տուժած շրջաններում շարունակվում են որոնողափրկարարական աշխատանքները։
Նեպալի իշխանությունների տվյալներով՝ ջրհեղեղները քանդել են տասնյակ կամուրջներ և վնասել ճանապարհները։ Փրկարարական գործողություններին ներգրավվել են նաև ուղղաթիռներ։
Ավելի վաղ հաղորդվել էր, որ ջրհեղեղների հետևանքով Չինաստանի Տիբեթի ինքնավար շրջանում զոհվել է երեք մարդ, ևս 558-ը համարվում է անհետ կորած։
Հետևեք մեզ տելեգրամում
