Իրանի արտաքին գործերի նախարար Աբբաս Արաղչին քննադատել է Եվրախորհրդարանի (ԵԽ) նախագահ Ռոբերտա Մեցոլայի որոշումը՝ արգելել իրանցի դիվանագետներին մուտք գործել ԵԽ շենքեր և հիշեցրել է ԵԽ պատգամավորների անգործությունը Գազայի հատվածում Իսրայելի կողմից իրականացված ռազմական գործողության վերաբերյալ։
«Գազայի հատվածում ավելի քան երկու տարվա ցեղասպանության ընթացքում, որը խլել է 70,000 մարդու կյանք, Եվրախորհրդարանը որևէ էական գործողություն չի ձեռնարկել Իսրայելի դեմ։ Մինչդեռ, Իրանում տեղի ունեցած ընդամենը մի քանի օրվա բռնի անկարգությունները Եվրախորհրդարանի համար բավարար էին, որ ֆիզիկական արգելք սահմաներ մեր դիվանագետների նկատմամբ»,-X-ում գրել է Արաղչին։
Նշենք, որ հունվարի 12-ին Մեցոլան հայտարարեց իրանցի դիվանագետներին Եվրախորհրդարանի շենքեր այցելելու արգելելու մասին։
Հետևեք մեզ տելեգրամում
