Ոստիկանության և փրկարար ծառայության պետեր են նշանակվել

ՀՀ վարչապետ Նիկոլ Փաշինյանի որոշումներով Արամ Ղազարյանն ազատվել է պետ-ներքին գործերի նախարարի տեղակալի պաշտոնից, իսկ Կամո Ցուցուլյանը՝ փրկարար ծառայության տնօրեն-ներքին գործերի նախարարի տեղակալի պաշտոնից։

Որոշումներում նշված է․

Ղեկավարվելով «Ոստիկանությունում ծառայության մասին» օրենքի 13-րդ հոդվածի 2-րդ մասով, «Հանրային ծառայության մասին» օրենքի 9-րդ հոդվածի 7-րդ մասով և «Կառավարչական իրավահարաբերությունների կարգավորման մասին» օրենքի 11-րդ հոդվածի 6-րդ մասով՝ Արամ Ղազարյանին ազատել ոստիկանության պետ-ներքին գործերի նախարարի տեղակալի պաշտոնից: Արամ Ղազարյանին նշանակել փրկարար ծառայության տնօրեն-ներքին
գործերի նախարարի տեղակալ:

Ղեկավարվելով «Փրկարար ծառայության մասին» օրենքի 31-րդ հոդվածի 1-ին մասով, «Հանրային ծառայության մասին» օրենքի 9-րդ հոդվածի 7-րդ մասով
և «Կառավարչական իրավահարաբերությունների կարգավորման մասին» օրենքի 11-րդ հոդվածի 6-րդ մասով՝ Կամո Ցուցուլյանին ազատել փրկարար ծառայության տնօրեն-ներքին գործերի նախարարի տեղակալի պաշտոնից: Նա նշանակվել է ոստիկանության պետ-ՆԳՆ փոխնախարար։