ՀՀ էկոնոմիկայի նախարար Գևորգ Պապոյանը փետրվարի 6-ին կայացած մամուլի ասուլիսում հայտարարել է, որ մոտ ապագայում հնարավոր են դրական զարգացումներ Հայաստանի և Թուրքիայի միջև սահմանի բացման հարցում։ Պատասխանելով լրագրողների հարցին՝ նախարարը ընդգծել է, որ Թուրքիան տնտեսական առումով Հայաստանի ամենամեծ հարևանն է։
«Շատ լավ է, որ Թուրքիան մեր՝ նվազագույնը տնտեսապես ամենամեծ հարևանն է իր ՀՆԱ-ի ծավալով։ Ունենք հնարավորություն սահմանը բացելու»,– ասել է Պապոյանը՝ հավելելով․ «Հուսով եմ, որ առաջիկայում դրական լավ լուրեր կլինեն այդ մասին»։
Նախարարը նաև հիշեցրել է, որ Մարգարայի կամուրջն արդեն լիարժեք պատրաստ է հայ-թուրքական սահմանի բացմանը։ Նրա խոսքով՝ ստեղծված են անհրաժեշտ բոլոր պայմանները թե՛ մաքսային, թե՛ սահմանապահ ծառայությունների լիարժեք գործունեությունն ապահովելու համար։
Հետևեք մեզ տելեգրամում
