Իրանն ու ԱՄՆ-ն կարող են ավելի լավ գործարք կնքել, քան 2015 թվականին ձեռք բերված համաձայնությունն էր: Այս մասին հայտարարել է Իրանի ԱԳ նախարար Աբբաս Արաղչին:
«Ես գիտեմ, որ դա հասանելի է։ Մենք կարող ենք նախկինից էլ լավ համաձայնության հասնել և կարող ենք երաշխավորել, որ որևէ միջուկային զենք չի լինի»,-ասել է նախարարը։
Նա միաժամանակ ընդգծել է, որ Իրանը շարունակում է չվստահել ԱՄՆ-ին: «Կարծում եմ՝ մենք իրավունք ունենք չվստահելու, որովհետև վերջին անգամ, երբ բանակցում էինք՝ անցած հունիսին, բանակցությունների ընթացքում նրանք որոշեցին հարձակվել մեզ վրա։ Դա մեզ համար շատ, շատ վատ փորձառություն էր»,-ընդգծել է Արաղչին՝ հավելելով, որ անհրաժեշտ է կոնկրետ և շոշափելի երաշխիք, որ այդ սցենարը չի կրկնվի։
Հետևեք մեզ տելեգրամում
