Թուրքիայի փոխնագահ Ջևդեթ Յըլմազը մեկնել է Բաքու՝ մասնակցելու Թյուրքախոս պետությունների կազմակերպության (ԹՊԿ) անդամ երկրների վարչապետերի և փոխնախագահների ժողովին։ Նրան դիմավորել են Ադրբեջանի գիտության և կրթության նախարար Էմին Ամրուլլաևը, արտաքին գործերի փոխնախարար Սամիր Շերիֆովը և Բաքվում Թուրքիայի դեսպան Բիրոլ Աքգյունը։ Յըլմազի հետ Բաքու է մեկնել Թուրքիա-Ադրբեջան միջխորհրդարանական բարեկամության խմբի նախագահ Շամիլ Այրըմը։
Յըլմազը այցի ընթացքում հանդիպել է Ադրբեջանի նախագահ Իլհամ Ալիևի հետ։ Յըլմազը հայտարարել է, որ Թուրքիան միշտ Ադրբեջանի կողքին է,։ Ալիևն էլ իր հերթին նշել է, որ Ադրբեջանը միշտ Թուրքիայի կողքին է։
Հանդիպման ընթացքում կողմերը ընդգծել են, որ Ադրբեջանի և Թուրքիայի միջև եղբայրական և ռազմավարական դաշնակցային հարաբերությունները զարգանում են բոլոր ոլորտներում, և նշվել է, որ տարբեր մակարդակներում իրականացվող փոխայցերը նպաստում են այդ հարաբերությունների հետագա ընդլայնմանը։ Անդրադարձ է կատարվել նաև նիստի կարևորությանը՝ նշելով, որ այն լավ հնարավորություն է կազմակերպության շրջանակներում համագործակցության ամրապնդման հարցերը քննարկելու համար։
Յըլմազը նշել է, որ նիստին մասնակցում է նաև Հյուսիսային Կիպրոսի Թուրքական Հանրապետության վարչապետը և այդ կապակցությամբ շնորհակալություն է հայտնել Ադրբեջանին։ Հանդիպման ընթացքում քննարկվել են նաև Ադրբեջանի և Թուրքիայի միջև երկկողմ համագործակցության հեռանկարները, տարածաշրջանային իրավիճակը և փոխադարձ հետաքրքրություն ներկայացնող այլ հարցեր։
Հետևեք մեզ տելեգրամում
