Երևանի քաղաքապետարանի գործակարգավարական նիստում ներկայացվել է մայրաքաղաքում օդի որակի մասին զեկույցը։ Փետրվար և մարտ ամիսներին նախորդ տարվա նույն ժամանակահատվածի համեմատ իրավիճակը բավական դրական է։
Aysor-ի փոխանցմամբ՝ Երևանի քաղաքապետ Տիգրան Ավինյանը նշել է, որ պետք է լինել ազնիվ ու ասել, որ իրականում Երևանում օդի որակի վրա մարդկային գործոնի ազդեցությունը բավականին չնչին է։ Օդի որակի բարելավումը պայմանավորված է բնակլիմայական պայմաններով։ Ըստ նրա՝ մասնավորապես դա կապված է տարածաշրջանում մթնոլորտային շերտի բարձրության հետ։
Նրա խոսքով՝ մթնոլորտային շերտը, ցավոք սրտի, չեն կարողանում կառավարել։
«Մեր հիմնական գործիքակազմը ուղղված է նրան, որպեսզի կարողանանք տալ մարդկանց տեղեկատվություն, նաև կանխատեսելիություն, թե ինչպես կլինի օդի որակը»,- ասել է քաղաքապետը։
Հետևեք մեզ տելեգրամում
