Վրաստանի վարչապետ Իրակլի Կոբախիձեն Կոբախիձեն «Իմեդի LIVE»-ի եթերում պատասխանել է լրագրողների հարցերին։ Պատասխանելով, թե ինչպիսի տպավորություն է թողնում իր վրա Բրյուսելի որոշակի շրջանակների վերաբերմունքը Վրաստանի և Հայաստանի նկատմամբ նա նշել է.
«Ինչ վերաբերում է Հայաստանի հետ համեմատություններին, ապա մեզ համար դա փոքր-ինչ անհարմար թեմա է, քանի որ մենք հարևաններ ենք, ունենք շատ ջերմ հարաբերություններ և ռազմավարական գործընկերություն։ Ուստի, մեր կողմից սխալ կլիներ մեզ համեմատել Հայաստանի հետ։ Մենք, բնականաբար, նման բան չենք անի. դա պարզապես ճիշտ չէր լինի։ Մենք առավելագույնս սատարում ենք մեր բարեկամ երկիր Հայաստանին և հայ ժողովրդին։
Իսկ առհասարակ, ես կցանկանայի անդրադառնալ թե՛ տեղական գործակալների, թե՛ նրանց արտասահմանյան հովանավորների կողմից մեզ և Հայաստանին իրար դեմ հանելու փորձերին։ Դա որևէ հաջողություն չի ունենալու ո՛չ մի ասպեկտով և ո՛չ մի ուղղությամբ։ Մենք առավելագույնս սատարում ենք մեր բարեկամ երկիր Հայաստանին և հայ ժողովրդին։ Սա միակ բանն է, որ կարող ենք ասել Հայաստանի հասցեին»։
Կոբախիձե շնորհակալություն է հայտնել Հայաստանի վարչապետ Նիկոլ Փաշինյանին Վրաստանի նկատմամբ առանձնահատուկ վերաբերմունք ցուցաբերելու համար ու նշել, որ դա արտահայտվում է բարեկամական հարաբերություններով, այդ թվում՝ անմիջապես կառավարությունների միջև։ Նա նույնիսկ ուղղակիորեն ասել է, որ առանց Վրաստանի՝ Հայաստանի եվրոինտեգրման մասին խոսակցություններն անհնարին կլինեին։
Հետևեք մեզ տելեգրամում
