ԱՄՆ նախագահ Դոնալդ Թրամփը և Իսրայելի վարչապետ Բենիամին Նեթանյահուն Իրանի հարցով լարված հեռախոսազրույց են ունեցել։ Այս մասին հայտնում է CNN-ը։
Հեռախոսազրույցի ընթացքում Նեթանյահուն Թրամփին հայտնել է, որ Իրանի դեմ հարվածների հետաձգումը սխալ է, և կոչ է արել վերսկսել ռազմական գործողությունները, մինչդեռ ԱՄՆ նախագահը ցանկանում է ստուգել դիվանագիտական համաձայնության հասնելու հնարավորությունը։
Չնայած Նեթանյահուի ճնշումներին՝ Թրամփը լրագրողներին հայտարարել է, որ պետք է դիվանագիտությանը ևս մի քանի օր ժամանակ տալ, եթե դա կարող է կյանքեր փրկել, սակայն «պատշաճ պատասխաններ» չստանալու դեպքում ռազմական սցենարը պատրաստ է և կգործարկվի շատ արագ։
Ավելի վաղ լրատվամիջոցներին հայտնի էր դարձել, որ Թրամփը մտադիր էր շաբաթվա սկզբին նոր թիրախային հարվածներ հասցնել Իրանին, գործողությունը ստանալու էր «Sledgehammer» (Մուրճ) անվանումը, սակայն Պարսից ծոցի երկրների՝ Կատարի, Սաուդյան Արաբիայի և Արաբական Միացյալ Էմիրությունների խնդրանքով պլանավորված հարձակումը հետաձգել է։ Դա առաջացրել է Իսրայելի վարչապետի դժգոհությունը, որը կողմնակից է Թեհրանի նկատմամբ ավելի ագրեսիվ գործողությունների և պնդում է, որ ցանկացած հապաղում միայն ձեռնտու է իրանական կողմին։
Հետևեք մեզ տելեգրամում
