Վեց տարվա դադարից հետո վերսկսվել է Բաքու-Թբիլիսի մարդատար գնացքի երթևեկությունը

Վեց տարվա դադարից հետո Բաքվից Թբիլիսի է ժամանել առաջին մարդատար գնացքը։ Ուղևորների թվում է եղել նաև Ադրբեջանի թվային զարգացման և տրանսպորտի նախարար Ջավիդ Գուրբանովը։ Նա հայտարարել է, որ նոր երթուղին կհեշտացնի երկու երկրների քաղաքացիների տեղաշարժը։

Գուրբանովի խոսքով՝ Վրաստանում բնակվում է շուրջ 400 հազար ադրբեջանցի, և երկաթուղային կապի վերականգնումը կարևոր է երկու երկրների բնակիչների համար։

Բաքու-Թբիլիսի-Բաքու երթուղու աշխատանքը դադարեցվել էր կորոնավիրուսի համավարակի սկզբից։ Այդ ընթացքում Վրաստանի և Ադրբեջանի միջև հնարավոր էր տեղափոխվել միայն օդային ճանապարհով։