2026 թվականի առաջին կիսամյակում Ադրբեջանի ուժային կառույցներում ոչ մարտական պայմաններում առնվազն 28 զինծառայող է մահացել։ Ինչպես հաղորդում են ադրբեջանական ընդդիմադիր լրատվամիջոցները, նախորդ երկու տարիների նույն ժամանակահատվածի համեմատությամբ ոչ մարտական կորուստների կտրուկ աճ է արձանագրվել. 2024 թվականի առաջին վեց ամիսներին գրանցվել էր 20, իսկ 2025 թվականի նույն հատվածում՝ 18 մահվան դեպք։
Բաց աղբյուրների մոնիթորինգի արդյունքում հավաքագրված տվյալների համաձայն՝ մահվան դեպքերը գրանցվել են հետևյալ պատճառներով.
- 6 հոգի՝ տարբեր հիվանդություններ
- 6 հոգի՝ ավտովթար
- 6 հոգի՝ դժբախտ պատահար
- 4 հոգի՝ ինքնասպանություն
- 1 հոգի՝ անզգուշություն
- 5 հոգու մահվան պատճառը դեռևս հնարավոր չի եղել պարզել։
Մահացած զինծառայողները ներկայացնում էին հետևյալ կառույցները.
- Պաշտպանության նախարարություն՝ 17 զինծառայող
- Պետական սահմանապահ ծառայություն՝ 7
- Ներքին զորքեր՝ 1
- Նախագահի անվտանգության ծառայություն՝ 1
- Արտակարգ իրավիճակների նախարարություն՝ 1
- Զորակոչի և զորահավաքի պետական ծառայություն՝ 1:
Ամենաշատ կորուստները գրանցվել են շարքային կազմի շրջանում.
- Շարքային զինվորներ՝ 8
- Սպաներ՝ 3
- Ենթասպաներ ՝ 4
- Պայմանագրային զինծառայողներ ՝ 4
- Կուրսանտներ՝ 3
- 4 հոգու զինվորական աստիճանը հայտնի չէ։
Բացի այդ, 2026 թվականի անցած ամիսներին առնվազն 5 զինծառայող վիրավորվել է ավտովթարի հետևանքով, 2-ը՝ պայթել է ականի վրա, իսկ 1-ը՝ վնասվածքներ է ստացել սողանքի պատճառով։
Ընդհանուր առմամբ, Ադրբեջանի պաշտպանական գերատեսչություններում ոչ մարտական պայմաններում 51 զինծառայող մահացել է 2024 թվականին, և առնվազն 43 զինծառայող՝ 2025 թվականին։
Հետևեք մեզ տելեգրամում
